Almaları günün müəyyən vaxtında yemək xüsusilə faydalıdır. Almaların ən çox fayda verdiyi vaxt səhərdir.
Alma əksər insanların sevimli meyvəsidir və onun faydalarını qiymətləndirməmək mümkün deyil. Almanın tərkibi müxtəlif qida maddələri ilə zəngindir, xüsusilə də onun tərkibindəki lif çox önəmlidir. ABŞ Kənd Təsərrüfatı Departamentinin məlumatına görə, orta ölçülü bir almada 4-5 qram lif olur. Hər gün bir alma yemək 25-38 qramlıq gündəlik lif normasına yaxınlaşmağa kömək edə bilər.
Lent.az ən düzgün vaxtı təqdim edir:
Dietoloqların sözlərinə görə isə almadan maksimum fayda almaq üçün onu müəyyən vaxtda yemək tövsiyə olunur.
Almaları nə vaxt yemək daha yaxşıdır?
“Alma yemək üçün ən doğru vaxt anlayışı olmasa da, araşdırmalar səhərin lifin faydalarını maksimum dərəcədə almaq üçün ideal vaxt olduğunu göstərir”, - deyə dietoloq Eyveri Zenker bildirir.
Səhər alma yeməyin faydaları
1. Həzm sisteminin normal işləməsinə kömək edir
Səhər liflə zəngin alma yeməklə bağırsaqların aktivliyindən daha çox yararlana bilərsiniz. Almanın tərkibindəki pektin faydalı bağırsaq bakteriyalarını qidalandıraraq bağırsaq sağlamlığını dəstəkləyir. Bu, uzunmüddətli dövrdə qəbizliyin qarşısını almağa kömək edə bilər.
2. Şəkər balansının qorunmasına kömək edə bilər
Səhər alma yemək gün ərzində şəkər səviyyəsinin daha stabil olmasına kömək edə bilər və bunun əsas səbəbi pektindir. Pektinin qalın, jelə bənzər quruluşu həzmi yavaşladır və qidanın bağırsaqlardan keçmə müddətini uzadır. Dietoloq Cənni Finkenin sözlərinə görə, alma həmçinin şəkər səviyyəsində qəfil sıçrayışların qarşısını ala bilər ki, bu da nəzarətsiz iştahanın qarşısının alınmasında vacibdir.
Tədqiqatlar müntəzəm olaraq aşağı qlisimik indeksli meyvələr alma, üzüm və yaban mersini qəbul etməyin 2-ci tip diabet riskini azalda biləcəyini də göstərir.
3. Toxluq hissini artırır
Əgər məqsədiniz çəkiyə nəzarətdirsə, alma ən yaxşı seçimlərdən biridir. Lif toxluq hissini artırdığı üçün ümumilikdə daha az yeməyə kömək edir. Finke arıqlamaq istəyənlərə yeməkdən 10-15 dəqiqə əvvəl bir bütöv alma yeməyi tövsiyə edir ki, doyma effekti daha güclü olsun.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
