Azərbaycana daxil olan soyuq hava kütlələri nəticəsində Bakıya ilk qar yağıb. Lent.az-ın məlumatına görə, bu gün səhər saatlarından başlayaraq, Bakıda qar və sulu müşahidə olunub. Qar əsasən, Bakının Yasamal, Sulutəpə ərazilərinə yağıb. Ekologiya və Təbii Sərvətlər Nazirliyi Milli Hidrometeorologiya Departamentindən Lent.az-a bildiriblər ki, bu gün səhər saatlarında Bakının bəzi ərazilərində sulu qar və qısa müddətli qar yağıb. Departamentdən bildirilib ki, bu gündən etibarən havanın soyuq, şaxtalı olacağı, temperaturun ötən günlərlə müqayisədə 8-10 dərəcə aşağı enəcəyi gözlənilir.
Dekabrın 14-də Bakıda və Abşeron yarımadasında temperaturun anomal gedişi gözlənilir. Havanın temperaturu gecə və səhər 4-6, günün ikinci yarısında 1-3 dərəcə isti olacaq, dekabrın 15-dən 16-na və 16-dan 17-nə keçən gecə 0-2 dərəcəyədək aşağı enəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
