103046 abituriyent elektron ərizəsini təsdiq etdirib

Ali və orta ixtisas məktəblərinə sənəd qəbulu başa çatmaq üzrədir

Bu gün saat 10.00-a olan məlumata görə, ali məktəblərə keçirilən qəbul imtahanlarında iştirak etmək üçün 109 min 287 abituriyent elektron ərizəsini doldurub. Ərizələrini təsdiq etdirənlərin sayı isə 103 min 46 nəfərdir.

Lent.az-ın məlumatına Tələbə Qəbulu üzrə Dövlət Komissiyasının (TQDK) sədri Məleykə Abbaszadə bu gün keçirdiyi mətbuat konfransında belə deyib. Onun sözlərinə görə, bu günədək elektron ərizəsini dolduranların 97 min 100 nəfəri Azərbaycan, 12 min 187 nəfəri isə rus bölməsinin abituriyentləridir.

Xatırladaq ki, 2010/2011-ci tədris ili üzrə respublikanın ali və orta ixtisas məktəblərinə sənəd qəbulunun başa çatmasına cəmi üç gün qalır. Sənədlərin qəbulu və təsdiq etdirilməsi üçün son möhlət mayın 31-də saat 17.00-da başa çatacaq. Məleykə Abbaszadə bildirib ki, 28 May – Respublika bayramı ilə əlaqədar sabah Sənəd Qəbulu Komissiyaları işləməyəcək. Mayın 29-u və 31-də isə komissiyaların hər biri adi rejimdə fəaliyyətini davam etdirəcək.

Elxan SALAHOV