Sulduzda kürd deputat «at oynadır»

Güney Azərbaycanın Sulduz və Üşnəviyyə şəhərlərindən Tehran hakimiyyətinin dəstəyi ilə İran parlamentinə üzv olan ifrat kürd milliyətçisi Həsənzadə yerli türk kadrların işdən uzuqlaşdırılması istiqamətində fəaliyyə göstərir.

Lent.az-ın Güney Azərbaycanyönlü informasiya vasitələrinə istinadən məlumatına görə, Həsənzadə bölgədə vəzifə tutan türklərin işdən uzaqlaşdırılması və onların yerinə kürdlərin gətirilməsi istiqamətində geniş fəaliyyətə başlayıb.

Qərbi Azərbaycanın Müdafiə Komitəsi bildirib ki, kürd etnik qrupuna mənsub bu deputat Sulduzdakı İmam adına xəstəxananın türk müdirinin yerinə kürd kökənli Xəlil və Qadirini gətirməyə səy göstərir.

Mənbənin məlumatına əsasən, İran İslam məclisinin deputatına bu sayaq işlərdə Qərbi Azərbaycan əyaləti Tibb Universitetinin rektoru Saleki və onun müavini Möhebbini də yardım etdiyi haqda xəbərlər yayılıb.