Sadə daban həssaslıq testi sağlamlıq problemlərini vaxtında aşkar etməyə kömək edir.
Lent.az xarici mediaya istinadla bildirir ki, bu test cəmi bir neçə dəqiqə çəkir və ayaq barmaqlarındakı sinir uclarının həssaslığını qiymətləndirməyə imkan verir. Onu icra etmək üçün köməkçi lazımdır.
Testi necə aparmaq lazımdır
Corab və ayaqqabılarınızı çıxarın, yataqda və ya divanda rahat oturun. Köməkçi barmaqlarınıza yüngül toxunuşlar etməlidir ki, siz toxunuşun hansı ayaqda baş verdiyini müəyyən edə biləsiniz.
Gözlərinizi bağlayın və yoxlama bitənə qədər açmayın. Hər toxunuş ardıcıl şəkildə altı barmağa hər ayaqda üç barmağa edilməlidir, hər toxunuş 1 saniyədən artıq çəkməməlidir.
Toxunuşu hiss etdikdə, ayağa uyğun olaraq “sağ” və ya “sol” deyin. Heç nə hiss etmədikdə, sadəcə susun.
Köməkçi nəticələri qeyd edir.
Nəticələrin şərhi
Normal həssaslıq: əgər siz beş və ya altı barmağa toxunuşu hiss etmisinizsə, ayaq həssaslığınız qaydasındadır. Bununla belə, dəyişikliklər gizli baş verə biləcəyindən ildə bir dəfə həkim müayinəsindən keçmək tövsiyə olunur.
Həssaslığın azalması: əgər iki və daha çox barmağa toxunuşu hiss etməmisinizsə, bu, həssaslığın azalmasını və ayaqda xora yaranma riskinin artmasını göstərə bilər.
Vacib qeyd
Bu test Ipswich Touch Test adı ilə tanınır və yalnız ilkin yoxlama xarakteri daşıyır, tibbi diaqnoz deyil. Əgər nəticələr sizi narahat edirsə, mütləq həkimlə məsləhətləşin.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
