Xidmət rəisi: “Həmin tibb müəssisələri bağlanacaq…”

108 çörək, 52 alkoqol, 25 süd və 25 ət məhsulları istehsal edən müəssisədə aparılan yoxlamalar zaman texnoloji tələblərə cavab verilmədiyi, mənşəyi məlum olmayan xammaldan istifadə edildiyi aşkarlanıb.

Lent.az-ın verdiyi məlumata görə, bunu bu gün keçirdiyi mətbuat konfransında Standartlaşdırma, Metrologiya və Patent üzrə Dövlət Komitəsi yanında Texniki Tənzimləmə və Standartlaşdırma üzrə Dövlət Nəzarəti Xidmətinin rəisi Əbülfət İmanov söyləyib.

Əbülfət İmanov deyib ki, bu günlərdə iaşə obyektlərində yoxlama aparılıb və ciddi nöqsanlar aşkarlanıb. Onun sözlərinə görə, ümumiyyətlə yoxlamalar zamanı müəssisələrdə işçilərin əlcəksiz çalışdığı, məhsullarda bakteriyaların olduğu üzə çıxıb.

O qeyd edib ki, bir sıra özəl tibb müəssisələrində də ciddi nöqsanlar aşkarlanıb. Avadanlıqlar analizdən, laboratoriyalar akkreditasiyadan keçməyib: “Bu müəssisələrə bir ay vaxt verilib. Əgər nöqsanlar aradan qaldırılmasa, həmin tibb müəssisələri bağlanacaq”.

Ramiz