“Kütləvi aksiyalar sabitliyi pozmamaq şərti ilə keçirilə bilər”

“İnsanların və qrupların hardasa mitinq, piket keçirməsi onların konstitusion hüququdur. Amma bu, təbii ki, ölkədə sabitliyi, insanların rahat istirahət hüququnu pozmamaq şərtilə həyata keçirilə bilər”.

Bunu APA-ya açıqlamasında Prezident Administrasiyası Siyasi təhlil və informasiya təminatı şöbəsinin müdiri Elnur Aslanov aprelin 2-də İctimai Palatanın mitinq keçirmək barədə qərarına münasibət bildirərkən deyib.

Onun sözlərinə görə, müxalifət hər bir cəmiyyət üçün mütləq amildir, hər bir cəmiyyətdə müxalif fikirlər və baxışlar mövcud ola bilər: “Amma müxalif fikirlər radikal baxışlara çevrilərək radikal anarxist meyllərə keçməməli, eyni zamanda, cəmiyyətdə əmin-amanlığı, sabitliyi pozmamalıdır”.