Elmar Məmmədyarov Bolqarıstanın baş nazirinin xahişini rədd etdi
29 iyul 2009 10:00 (UTC +04:00)

Elmar Məmmədyarov Bolqarıstanın baş nazirinin xahişini rədd etdi

Futbolçular ölkələrinə uçmaq üçün 12 min avro ödəyiblər

Bolqarıstanın “Levski” futbol klubu “Bakı” komandası ilə iyulun 28-də keçirdiyi Çempionlar Liqasının III təsnifat mərhələsinin ilk oyunundan sonra Azərbaycan paytaxtını gecə vaxtı tərk edə bilməyib.

Lent.az-ın “RİA Novosti”yə istinadən verdiyi məlumata görə, bu vəziyyət Bakı üzərində saat 24:00-dan səhər 07:00-dək uçuşların qadağan edilməsi ilə əlaqədar yaranıb.

Bolqarıstan komandası “Bakı” ilə görüşdən dərhal sonra Heydər Əliyev hava limanından Sofiyaya yollanmaq istəyib. Lakin həmin vaxt saat 24:00-ı keçdiyindən, “Levski”nin oyunçuları hava limanında səhərədək gözləməli olublar. Bu halda onlara alternativ variant – 12 min avro ödəmək və öz ölkələrinə istədikləri vaxtda təyyarə ilə uçmaq təklif olunub. Lakin “Levski”nin prezidenti Todor Batkov bundan imtina edib.

Əvəzində Batkov Bolqarıstanın baş naziri vasitəsilə Azərbaycan xarici işlər naziri Elmar Məmmədyarovdan uçuşa icazə verməsini xahiş edib. Lakin Məmmədyarov da ölkəmizin daxili qanununu pozmaqdan imtina edib.

Beləliklə, “Levski” Sofiyaya qayıtmaq üçün 12 min avro cərimə ödəməli olub. İndi “Bakı”nın rəqibi baş verən insidentlə bağlı UEFA-ya şikayət etməyə hazırlaşır.

Qeyd edək ki, “Bakı” – “Levski” matçı 0:0 hesabı ilə başa çatıb. Cavab görüşü avqustun 5-də Sofiyada keçiriləcək.
# 668

Oxşar yazılar