Milli Məclis Sərdar Cəlaloğluna təşəkkür etdi
25 iyun 2009 17:45 (UTC +04:00)

Milli Məclis Sərdar Cəlaloğluna təşəkkür etdi

ADP-nin təklifləri parlamentin müvafiq şöbəsində öyrənilir

Azərbaycan Demokrat Partiyası (ADP) tərəfindən “Seçki Məcəlləsinə əlavə və dəyişikliklər haqqında qanun layihəsi” və bələdiyyələrin statusunun artırılmasına dair təklifləri ilə əlaqədar bu yaxınlarda Milli Məclisinə göndərilən müraciətə rəsmi cavab verilib.

Bu barədə Lent.az-a ADP-nin mətbuat xidmətindən bildirilib. Milli Məclisin Dövlət Quruculuğu üzrə qanunvericilik şöbəsinin müdiri Lətif Hüseynovun imzaladığı məktub ADP sədri Sərdar Cəlaloğlunun adına göndərilib. “Seçki Məcəlləsinə əlavələr və dəyişikliklər edilməsi ilə bağlı Azərbaycan Respublikasının Milli Məclisinə ünvanladığınız təkliflərə görə Sizə təşəkkür edirik. Təklifləriniz hazırda şöbənin əməkdaşları tərəfindən öyrənilir” – deyə, məktubda qeyd olunub.

Pərvin ABBASOV
# 604

Oxşar yazılar