Qənirə Paşayeva Misirdə bir sıra görüşlər keçirib

Lent.az-ın məlumatına görə, Q.Paşayeva forum çərçivəsində Belçika şahzadəsi Matilda, BMT-nin keçmiş baş kitabi Butros Qali, ABŞ Dövlət Departamentindən Ümumdünya Qadın Məsələləri üzrə səfiri Melanne Verver, “CNN” telekanalının məşhur simalarından biri, dünyaca ünlü jurnalist Jim Clansy, Misir parlamentinin senatoru, dünyanın ən qədim kitabxanası olan İsgəndəriyyə kitabxanasının direktoru İsmayıl Seragəldi, tanınmış prodüsser və musiqiçi Dillon Justin ilə görüşüb.

Millət vəkili görüşlər zamanı Azərbaycanla bağlı məlumatlar verib və fikir mübadiləsi aparıb. Qənirə Paşayeva Jim Clansyni və Dillon Justini Azərbaycana dəvət edib.

Qeyd edək ki, baş çatan “İnsan alverinə qarşı Beynəlxalq Forum”a dünyanın bir sıra nüfuzlu siyasi və ictimai xadimləri, qeyri-hökumət təşkilatları rəhbərləri, iş adamları, dünyaca məşhur sənətçilər və jurnalistlər qatılıb. Əsas məqsədi transmilli cinayətkarlığa, insanların, xüsusilə qadın və uşaqların təcavüzə və alverə məruz qalmasına qarşı mübarizənin dəstəklənməsi olan beynəlxalq forum Misirin birinci xanımı Suzan Mübarək ilə BMT-nin rəsmilərinin rəhbərliyi ilə keçirilib və Palermo Konvensiyasının 10 illiyinə həsr olunub.