AŞPA-nın uzunmüddətli müşahidə missiyasının tərkibi və səfər proqramı açıqlanıb

APA-nın Avropa bürosunun verdiyi məlumata əsasən, beş nəfərdən ibarət missiya Azərbaycan prezidenti İlham Əliyev, Milli Məclisin sədri Oqtay Əsədov, daxili işlər naziri Ramil Üsubov, Mərkəzi Seçki Komissiyasının sədri Məzahir Pənahov, Konstitusiya Məhkəməsinin sədri Fərhad Abdullayevlə görüşlər keçirəcək. Bundan başqa nümayəndə heyəti ölkənin əsas müxalifət partiyalarə və seçkilərdə iştirak edəcək siyasi bloklar, seçki məsələləri ilə məşğul olan QHT-lər və mətbuat nümayəndələri ilə də bir sıra görüşlər keçirəcəklər. AŞPA nümayəndə heyəti oktyabrın 21-də səfərin yekunlarına həsr olunmuş mətbuat konfransı keçirəcəklər.

Qeyd edək ki, belçikalı parlamentar Pol Villenin rəhbərlik edəcəyi missiyaya Pedro Agramunt (İspaniya), Tadeuş İvinski (Polşa), Qyvind Vaksdal (Norveç) və Jakko Laakso (Finlandiya) daxildir.

Xatırladaq ki, AŞPA Monitorinq Komitəsinin Azərbaycan üzrə yeni təyin olunmuş həmməruzəçisi Pedro Aqramunt Font de Mora həm də uzunmüddətli missiyanın üzvüdür.