Sərkisyan: “Ankara mövqeyini dəyişmək üzrədir”

“Dağlıq Qarabağı heç bir zaman Azərbaycana hədiyyə etməyəcəyik”

Ermənistan prezidenti Serj Sərkisyan iki günlük Tehran səfəri zamanı İranda yaşayan ermənilərlə görüşündə Türkiyə ilə dialoq aparılması mövzusuna da toxunub. Lent.az-ın məlumatına görə, Sərkisyan İrəvanla münasibətlərin normallaşacağı halda Ankaraya qarşı aparılan “soyqırım” siyasətindən imtina etməklə bağlı söz verməyəcəklərini vurğulayıb.

“Bəzən istək və təxminlər ictimai rəyə təklif edilə bilinir. Gerçək isə budur: rəsmi İrəvan heç bir şərt irəli sürülmədən Türkiyə ilə münasibətləri normallaşdırmaq istəyir. Son dönəmədək Türkiyə tərəfi bu məsələdə ciddi addımlarla hazırlıqlı deyildi. Fəqət, indi vəziyyət dəyişən kimidir. Anladığım qədər bu ankı yeni vəziyyətin işığında Ankara mövqeyini dəyişmək üzrədir. Zatən iki qonşu dövlət arasında diplomatik münasibətlərin olmaması qəbul edilə bilinməyəcək bir durumdur” – deyə, Sərkisyan bildirib.

Dağlıq Qarabağ problemi mövzusuna da toxunan Ermənistan prezidenti “Dağlıq Qarabağı heç bir zaman Azərbaycana hədiyyə etməyəcəyik. Bu bölgə bir daha rəsmi Bakının idarəçiliyinə keçə bilməz. Bu mövzudakı mövqeyimiz dəyişməzdir” – deyib.