Pəncərə çərçivələrinin daxili hissəsində kif əmələ gəlməsi çox yayılmış problemdir, xüsusilə də havasız və rütubətli otaqlarda. Bu, təkcə pəncərələrin görünüşünü korlamır, həm də sağlamlıq üçün təhlükəlidir allergiya və tənəffüs yolları xəstəliklərinə səbəb ola bilər.
Lent.az bu üsulu təqdim edir:
Pəncərəni kifdən necə təmizləmək olar?
Bu problem üçün cəmi iki sadə və əlçatan vasitə kifayətdir. Onları bərabər nisbətdə qarışdırmaq və səthə çəkmək kifayətdir kif tamamilə yox olur. Aptekdə satılan 30 ml hidrogen peroksidini (H₂O₂) 30 ml 9%-li sirkə ilə qarışdırın. Alınan məhlulla parça və ya süngəri isladın və kifin əmələ gəldiyi yerləri silin. Məhlulu maksimum effekt üçün səthdə təxminən 30 dəqiqə saxlayın, sonra bol su ilə yuyun. Ardınca səthi yumşaq parça ilə qurulayın. Belə təmizləmədən sonra çərçivələrdə kif uzun müddət yenidən əmələ gəlməyəcək.
Kifin yenidən yaranmaması üçün aşağıdakı qaydalara əməl edin:
Otaqları, xüsusilə də rütubətli yerləri vanna otağını və mətbəxi mütəmadi havalandırın. Lazım gələrsə, rütubət azaldıcı cihazlardan və ya kondisionerdən istifadə edin. Pəncərələrin hermetikliyini yoxlayın, boşluq varsa, izolyasiya edin. Pəncərə çərçivələrini və pəncərəaltı lövhələri bir neçə aydan bir təmizləyin. Belə təmizləmə üsulu bir neçə ildən bir tətbiq oluna bilər kifə qarşı sadə, təhlükəsiz və etibarlı qoruma təmin edir. Bu metod həm ucuz, həm də uzun müddət effektli olmaqla, hətta köhnə kif izlərini də asanlıqla aradan qaldırır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
