Professor Mitinori Koharanın rəhbərlik etdiyi Tokio Tibb Elmləri İnstitutunun mütəxəssisləri ömürlük immunitet verən koronavirusa qarşı peyvəndin yaradılması üzərində işləyirlər.
Lent.az xarici mediaya istinadla bildirir ki, XVIII əsrdə ingilis həkimi Edvard Cenner tərəfindən hazırlanmış çiçək xəstəliyinə qarşı peyvənd əsas götürülüb. Onun sayəsində ölümcül xəstəliyə qalib gəlmək mümkün olub. Yapon alimlərinin məqsədi SARS-CoV-2 virusunun sünbül zülalını ehtiva edən rekombinant peyvənd virusu yaratmaqdır.
Koharanın sözlərinə görə, ospovaksin virusunun vektorundan istifadə edilən preparatlar "ən güclüdürlər”. Onun fikrincə, bu növ peyvəndin yan təsirləri azdır, eyni zamanda xüsusi daşınma və saxlama üsullarına ehtiyac yoxdur. Bundan əlavə, ömür boyu effektivliyə malik peyvəndin yaradılması dünyaya COVID-19 ilə mübarizədə üstünlük verə bilər.
Peyvəndin 2023-cü ilk yarısında sınaqdan keçirilməsi planlaşdırılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
