Moskvada Rüstəm İbrahimbəyovla vida mərasimi sona çatıb -FOTO  -VİDEO  -YENİLƏNİB
13 mart 2022 15:58 (UTC +04:00)

Moskvada Rüstəm İbrahimbəyovla vida mərasimi sona çatıb -FOTO -VİDEO -YENİLƏNİB

Moskvada Azərbaycanın xalq yazıçısı, görkəmli dramaturq Rüstəm İbrahimbəyovla vida mərasimi keçirilib.

Lent.az-ın APA-ya istinadən məlumatına görə, vida mərasimi Mərkəzi Kino Evinin Böyük zalında baş tutub.

Vida mərasimində Azərbaycan və Rusiyanın tanınmış mədəniyyət xadimləri iştirak ediblər.

Rusiya prezidentinin beynəlxalq mədəni və humanitar əməkdaşlıq üzrə xüsusi nümayəndəsi Mixail Şvıdkoy mərasimdə Rusiya prezidenti Vladimir Putinin Rüstəm İbrahimbəyovun vəfatı ilə əlaqədar ailəsinə göndərdiyi başsağlığı məktubunu oxuyub.

Daha sonra Azərbaycanın Rusiyadakı səfiri Polad Bülbüloğlu, tanınmış kinorejissor Andrey Konçalovski, jurnalist professor Yuri Kobaladze, Ümumrusiya kinomatoqrafiya İnstitutunun rektoru Vladımır Malışev Rüstəm İbrahimbəyovla bağlı xatirələrini bölüşüblər.

Azərbaycanın Rusiyadakı mədəniyyət attaşesi Nigar Axundova Azərbaycan prezidenti İlham Əliyev və Birinci xanım Mehriban Əliyevanın imzaladıqları nekroloqu oxuyub.

Qeyd edək ki, xalq yazıçısı, Azərbaycan Kinematoqrafçılar İttifaqının sədri Rüstəm İbrahimbəyov martın 10-dan 11-nə keçən gecə 83 yaşında vəfat edib. O, uzun sürən xəstəlikdən sonra dünyasını dəyişib.

Xatırladaq ki, Rüstəm İbrahimbəyovun nəşi dəfn olunmaq üçün vətənə martın 15-də aparılacaq. Xalq yazıçısının Bakıda dəfn olunacağı bildirilir.

 

***

14:37

 

Xəbərə video əlavə olunub.

***

13:44

 

Moskvada Azərbaycanın xalq yazıçısı, görkəmli dramaturq Rüstəm İbrahimbəyovla vida mərasimi başlayıb.

Lent.az-ın APA-ya istinadən məlumatına görə, vida mərasimi Mərkəzi Kino Evinin Böyük zalında keçirilir.

Vida mərasimində Azərbaycan və Rusiyanın tanınmış mədəniyyət xadimləri iştirak edirlər.

Qeyd edək ki, xalq yazıçısı, Azərbaycan Kinematoqrafçılar İttifaqının sədri Rüstəm İbrahimbəyov martın 10-dan 11-nə keçən gecə 83 yaşında vəfat edib. O, uzun sürən xəstəlikdən sonra dünyasını dəyişib.

Xatırladaq ki, Rüstəm İbrahimbəyovun nəşi dəfn olunmaq üçün vətənə martın 15-də aparılacaq. Xalq yazıçısının Bakıda dəfn olunacağı bildirilir.

# 3747
avatar

Oxşar yazılar