Cenifer Lopezin baş rolda oynadığı “Ana” filminin ilk tizeri nümayiş olunub.
Lent.az xəbər verir ki, məşhur müğənni və aktrisa bu filmdə muzdlu qatil rolunda çəkilib.
O övladını düşmənlərindən qorumaq üçün uzun müddət ondan imtina etməli olan və uzaqda yaşayan qatil ana obrazını canlandıracaq. Lopesin qəhrəmanı oğurlanmış qızını xilas etmək üçün mübarizəyə başlayır və filmin ilk dəqiqələrindən sonuna qədər tamaşaçının həyəcandan nəfəsi kəsilir.
Film macəra janrında çəkilib.
Yüksək büdcəli bu film 2023-cü ilin may ayında "Netfliks" tərəfindən təqdim olunacaq.
