“Buratino” Azərbaycan səhnəsində

Studiyanın üzvləri tərəfindən ilk dəfə olaraq məşhur “Buratino” (Aleksey Tolstoy, Aleksey Rıbnikov) tamaşası Azərbaycan dilində nümayiş olunacaq. Teatrın mətbuat xidmətindən Lent.az-a verilən məlumata görə, əsəri Azərbaycan dilinə Nicat Kazımov tərcümə edib. Tamaşada əsas rollarda studiyanın balaca aktyorları Kənan Eyvazov, Fidan Axundova, Cavid Babayev, Qulam Rza Rəngamiz, Zaur Səmədov, Cəvahir Hüseynova, Seyran Dadaşov, Ədilə Cəfərova, Rüstəm Haciyev oynayacaq. Bu, onların debüt tamaşaları olacaq. Uşaqlarla yanaşı, teatrın gənc aktyorları Fərid Rzayev, Xəyalə Fərəcova da onlarla eyni səhnəni bölüşəcəklər.

Tamaşanın quruluşçu rejissorları Mehman Cəfərov və Elməddin Dadaşovdur. İlk tamaşaya şəhərdəki uşaq evlərində tərbiyə alan balacaların da dəvət edilməsi nəzərdə tutulur. Tədbir iyun ayının 1-də saat 12:00-da teatrın müvəqqəti yerləşdiyi Azərbaycan Dövlət Xəzər Dəniz Gəmiçiliyi İdarəsinin Mədəniyyət evində keçiriləcək.

Xəyalə