Misirin birinci ledisi Tünzalə Ağayeva üçün mahnı yazıb
17 noyabr 2009 19:00 (UTC +04:00)

Misirin birinci ledisi Tünzalə Ağayeva üçün mahnı yazıb

Mahnıya artıq klip çəkilib

Misirin birinci ledisi Süzanna Mübarək Azərbaycanın əməkdar artisti Tünzalə Ağayeva üçün mahnı yazıb. Lent.az-ın vesti.az-a istinadən məlumatına görə, mahnı “Building our peace” adlanır.

Müğənninin sözlərinə görə, onun ifası Suzanna Mübarəkin xoşuna gəlir və birinci ledi mahnını məhz onun oxumasını istəyib.

Mahnıya artıq klip çəkilib.

Qeyd edək ki, Ağayeva Suzanna Mübarəkin mahnısını oxuyan ilk müğənni deyil, daha əvvəl də Brilliant Dadaşova onun yazdığı himni ifa etmişdi.

Tünzalə Ağayevanın prodüseri Yalçın Cabbarov Lent.az-a açıqlamasında klipin əsas mövzusunun aclığa, səfilliyə və müharibələrə qarşı musiqi ilə çağırış olduğunu deyib: “Bundan başqa klipdə hər iki ölkənin birinci xanımlarının eyni missiyanı yerinə yetirməsi və birgə mübarizə aparmasını nümayiş etdirən bir neçə kadrlar da var. Klip artıq “youtoube.com” və “myspace” kimi məşhur saytlarda nümayiş etdirilir.

Bir həftə sonra artıq Azərbaycan kanallarında da nümayişi olacaq”.

Lalə Yusifqızı
# 592

Oxşar yazılar