Rəqqasə Oksana: “Birincilik qazanmağımda erməninin rolu oldu”

Bu gün Rəqqasə Oksana media nümayəndələri ilə görüş keçirib. Lent.az-ın məlumatına görə, Rəqqasə yeni klipi və müsabiqədə birincilik qazanması ilə bağlı mətbuat nümayəndələrinə açıqlama verib.

Oksana bu ay Azərbaycanı Hind Mədəniyyət Festivalı “Divali 2009”da təmsil edib. Yarışmanın qalibi olan Oksana birincilik qazanmasında erməni əsilli rus vətəndaşının böyük rolu olduğunu deyib. Belə ki, müsabiqənin münsiflərindən biri Narina Laryan ən yüksək xal hesab edilən 10 balı həmyerlimizə verib. Oksananın sözlərinə görə, onun rəqsi N.Laryanı sözün əsl mənasında valeh edib.

Onu da qeyd edək ki, həmin müddətdə Oksana daha bir müsabiqə “Hind rəqsləri üzrə 3-cü açıq konkurs”-da iştirak edib və 3-cü yeri tutub.

Mətbuat konfransında bir çox tanınmış da iştirak edib. Flora Kərimova, Namiq Qaraçuxurlu, Xuraman Şuşalı, Nazim də iştirak edən qonaqlar arasında olub.

Yeni klipini təqdim edən Oksana rejissor işi bağımdan klipdən tam razı qalmadığını etiraf edib. İki məkanda çəkilən klip rejissor Rəşad Mehdiyev tərəfindən ekranlaşdırılıb.

Lalə Yusifqızı