Bakıda beynəlxalq elmi-praktiki konfrans keçiriləcək

Nazirlikdən Lent.az-a verilən məlumata görə, sözügedən tədbir ilə əlaqədar Rusiyanın tanınmış neft sənaye şirkətlərinin və müvafiq elmi qurumlarının nümayəndələri ilə yanaşı Rusiya Dövlət Dumasının deputatlarının da Azərbaycana səfərləri gözlənilir.

Azərbaycan tərəfindən isə Dövlət Neft Şirkəti, AMEA-nın Fəlsəfə, Sosiologiya və Hüquq, Memarlıq və İncəsənət institutları, Dövlət Neft Akademiyası, Mədəniyyət və İncəsənət Universitetinin nümayəndələri konfransa qatılacaq.

İki günlük konfransın sonunda iştirakçılar tərəfindən bəyannamə qəbul olunması nəzərdə tutulur. Bəyannamənin mahiyyəti müasir dövrdə mədəniyyət siyasətinin aktuallığının təsbitinə, habelə biznes dairələrinin mədəniyyətə və yaradıcılıq təşəbbüsünə dəstək və diqqətinin artırılmasına dair çağırışdan ibarətdir. Bəyannamə Azərbaycan və Rusiyanın tanınmış çap mətbu orqanlarında nəşr olunacaq.

Konfransın rəsmi açılış mərasimi noyabrın 23-də Muzey Mərkəzində keçiriləcək.

Xəyalə