Nuşirəvan Məhərrəmli şou verişlərlə bağlı sərt təpki

Milli Televiziya və Radio Şurasının (MTRŞ) sədri Nuşirəvan Məhərrəmli bu ilin ilk rübündə telekanallarda şou xarakterli verilişlərin sayının yenə də artmaqda olduğunu bildirib. Lent.az-ın məlumatına görə, N.Məhərrəmli MTRŞ-in keçirdiyi “Elektron media: dövlət tənzimlənməsi və ictimai nəzarət” adlı elmi-konfransda çıxış edərkən bildirib ki, MTRŞ-in keçən il apardığı monitorinqlər zamanı şou verilişlərinin sayında azalma müşahidə olunsa da, builki monitorinqlər fərqli nəticə ortaya qoyub. MTRŞ sədri qeyd edib ki, cəmiyyət şou proqramlarının səviyyəsindən, o verilişlərə dəvət olunan qonaqlardan, xüsusən aparıcılardan narazıdır. Məhz bu səbəbdən də artıq MTRŞ yeni bir kanalın mədəniyyət kanalının yaradılması barədə düşünür: “Əgər özəl telekanallar öz işlərinin öhdəsindən gəlsəydilər, biz bu gün mədəniyyət telekanalının yaradılması barədə düşünməzdik”.

Ramiz