İnvestorlar Kino Mərkəzinin tikintisinə 20 milyon manat pul ayırıblar

Xarici investorlar tərəfindən tikilən kompleksin inşası iki ilə bitəcək

Kinematoqrafçılar İttifaqının sədri Rüstəm İbrahimbəyov “Kino Evi – Kino Festivalı Mərkəzi – Beynəlxalq Kino Məktəbi” layihəsi barədə jurnalistlərə məlumat verib. Lent.az-ın məlumatına görə, İbrahimbəyov bildirib ki, kompleksin tikintisi iki ilə başa çatacaq.

Hazırda kompleksə 5 milyon manata yaxın vəsait xərcləndiyini bildirən ittifaq sədri bu işlərin dövlət vəsaiti ilə görülmədiyinin söyləyib. Rüstəm İbrahimbəyovun sözlərinə görə, bir müddət əvvəl Neft Şirkətinin kompleksin yerinə iddiası olub, lakin artıq həmin problem də həll olunub. Sadəcə, bu problemə görə Kompleksin inşası 3 ay ləngiyib.

Məlumata görə, 3 xarici investor tərəfindən “Kino Evi – Kino Festivalı Mərkəzi – Beynəlxalq Kino Məktəbi” kompleksinin inşasına 20 milyon manata yaxın pul ayrılıb.

XƏYALƏ