Xalq artisti Səməd Səmədovla yollarını ayıran Sevda Əliqızı özünə yeni duet ortağı tapıb. Lent.az-ın məlumatına görə, bu gənc müğənni Samir Vidadır.
Samir Vida deyib ki, bundan sonra S.Əliqızı ilə toylara S.Səmədov yox, özü gedəcək: “Bundan sonra Sevda xanımla toylara mən gedəcəm. Yaşıdlarım arasında özüm kimi istedadlısını tanımıram. Hələ 26 yaşım var, cavan oğlanam, səsim yerindədir".
S.Əliqızı ilə S.Vida artıq ilk duetlərini də ərsəyə gətiriblər. Lent.az-a açıqlama verən Samir deyib ki, söz və musiqisi özünə məxsus “Qismət” adlı bəstəni lentə aldırıblar.
Xatırladaq ki, sentyabrda 68 yaşını qeyd edən S.Səmədovun yeni duet ortağı Şəbnəm Aslanqızının 29 yaşı, S.Əliqızının yeni duet ortağının isə 26 yaşı var.
Qeyd edək ki, S.Səmədov 15 illik duet ortağından ayrılmasına səbəb kimi S.Əliqızının qocalmasını göstərmişdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
