Telman İsmayılovun otelində nəhəng mərasim

Türkiyənin televiziya ulduzları otelə axışıblar

Türkiyənin TRT telekanalının “İsmayıl Cem adına televiziya mükafatları”nın təqdimetmə mərasimi azərbaycanlı milyarder Telman İsmayılovun sahibi olduğu “Mardan Palace” otelində keçirilib.

Lent.az-ın Türkiyə mətbuatına istinadən verdiyi məlumata görə, “Hanımın çifliyi” serialının aktyorlarından olan Mehmet Aslantuğ mərasimə həyat yoldaşı Arzum Onan və filmdəki həyat yoldaşı Özgü Namalla gəlib. Özgü Namal (“Hanımın çiftliyi”ndə “Güllü”) “ən yaxşı drama serialının aktrisası” seçilib.

Gecənin rekordçusu “Ezel” dizisi olub. Serial 9 nominasiyada mükafata layiq görülüb, baş rol oyunçusu Kənan İmirzalıoğlu isə “ən yaxşı dram serialının aktyoru” ödülünü alıb.

Reytinq rekordları qıran “Aşkı-Memnu” serialına isə 4 nominasiyada mükafat verilib.

Gecədə Show TV-nin Yapımlar koordinatoru Caner Erdemin “Cumartesi Sürprizi” verilişi “Ən yaxşı maqazin proqramı” seçilib.

“TÜRKMAX” TV-dəki “1 Kadın 1 Erkek” adlı serialda Emre Karayellə birlikdə evli cütlüyün dialoqlarını ekrana daşıyan Demet Evgar “Ən iyi gülməli qadın oyunçu” mükafatına layiq görülüb.

Show TV-də yayımlanan “Melekler Korusun” serialı üç mükafatı birdən alıb. “Gənclik serialı” kateqoriyasında yer alan serialın aktyorlarından Avni Yalçın “Ən yaxşı aktyor”, Hümeyra ise “Ən yaxşı aktrisa” seçilib. “Ən yaxşı gənclik serialındakı köməkçi aktrisa” mükafatını Rojda Demirer alıb.

Türkiyənin sabiq xarici işlər naziri İsmail Cemin qızı İpeknur Cem Taha atasının adına olan mükafatların təqdim olunma tədbirdə çıxış edib.