Manaf Ağayevə nə olub ?

Lent.az-ın məlumatına görə, bunu “Space” tekanalında canlı yayımlanan “Sevimli şou” verilişinin aparıcısı Mikayıl Güləddinoğlu efir zamanı deyib. Onun sözlərinə görə, müğənninin səhhətində problem yarandığı üçün o, verilişə qatılmaqdan imtina edib.

Aparıcı Lent.az-a açıqlamasında bildirib ki, Manaf Ağayev sözügedən verilişə gələcəyini söyləsə də, verilişin başlamasına az qalmış isə gəlməyib: “Manaf Ağayev əvvəlcə söylədi ki, gəlirəm. Veriliş başlamazdan öncə mən onunla yenidən əlaqə saxladım. Bu dəfə dəstəyi oğlu götürdü və dedi ki, atamın vəziyyəti pisdir. Səhhətində problemlər yaranıb. Daha sonra bir neçə dəfə zəng etsək də, telefonları bağlı oldu”.

Məsələ ilə əlaqədar müğənni ilə əlaqə saxlasaq da onun telefonu bağlı olduğu üçün münasibət öyrənə bilmədik.

Daha sonra isə müğənninin oğlu ilə əlaqə saxladıq. Müğənninin oğlu Müşfiq Ağayev Lent.az-a açıqlamasında bildirib ki, Manaf Ağayevin səhhətində problem yaranıb.

O, atasının günorta saatlarında qidadan zəhərləndiyini deyib: “Çox güman ki, yeməkdən zəhərlənib. Günorta sistem qoşuldu. İndi özünü yaxşı hiss edir. Qorxulu heç nə yoxdur. Verilişə də özünü yaxşı hiss etmədiyi üçün getmədi”.

Jalə