Mübariz Mənsimov türk şirkətindən 10 gəmi alır
23 oktyabr 2009 14:00 (UTC +04:00)

Mübariz Mənsimov türk şirkətindən 10 gəmi alır

İş adamının şirkəti “Beşiktaş” Şirkətlər Qrupuna 200 milyon dollarlıq sifariş verib


Azərbaycanlı iş adamı Mübariz Mənsimovun sahibi olduğu “Palmali” Şirkətlər Qrupu Türkiyədə yenə gündəmə gəlib.

Lent.az-ın “Hürriyət” qəzetinə istinadən verdiyi məlumata görə, “Palmali” Şirkətlər Qrupu “Beşiktaş” Şirkətlər Qrupunun nəzdindəki “Beşiktaş” Gəmi İnşaatı şirkətinə 7100 ton yük daşıma qabiliyyətinə malik 10 gəmi və tankerin tikintisi ilə bağlı sifariş verib.

Bununla bağlı şirkətlər arasında 200 milyon dollar məbləğində müqavilə imzalanıb. Gəmilər 2010-2013-cü illər arasında “Palmali” Şirkətlər Qrupuna təhvil veriləcək.

Qeyd edək ki, Palmali” Şirkətlər Qrupunun hazırda 130 gəmi və tankeri var, dünyada ən böyük dəniz yük daşımaları şirkətləri sırasında yer alır.
# 408

Oxşar yazılar