Azərbaycanlı kapitan NATO-nun iclasına qatılır

17-18 iyun tarixlərində Böyük Britaniyanın Nortvud şəhərində NATO-nun Okean Gəmiçiliyi üzrə Planlaşdırma Komitəsi işçi qrupunun Avro-Atlantika Tərəfdaşlıq Şurası çərçivəsində növbəti iclası keçiriləcək. Azərbaycan Dövlət Dəniz Adminstrasiyasının (ADDA) mətbuat xidmətindən Lent.az-a verilən məlumata görə, iclasda ADDA-nın Dəniz Təhlükəsizliyi şöbəsinin müdiri, kapitan Vamik Rəhimov da iştirak edəcək. İclasda NATO-nun üzv və tərəfdaş dövlətləri təmsil edən ekspertlər qrupu tərəfindən hərbi məqsədlərdə istifadə oluna biləcək ticarət gəmilərinin mövcudluğunun qiymətləndirilməsi və dünyada mövcud şəraitdə dənizçilik sahəsinin hazırkı vəziyyətinin təhlili aparılacaq.

Pərvin ABBASOV