Sabunçuda 10 sahibkar cərimələnib
26 avqust 2010 11:11 (UTC +04:00)

Sabunçuda 10 sahibkar cərimələnib

Ekologiya və Təbii Sərvətlər Nazirliyi Daxili İşlər Nazirliyinin əməkdaşları ilə birgə Suraxanı rayonu Xəzər sahili ərazilərində apardığı reydlərin nəticələrini açıqlayıb. Bərk məişət tullantılarının qanuna müvafiq qaydada idarə olunması vəziyyətini yoxlamaq məqsədilə keçirilən reydlər bir neçə gün davam edib.

Ekologiya və Təbii Sərvətlər Nazirliyinin mətbuat xidmətindən Lent.az-a bildiriblər ki, yoxlama zamanı rayonun Xəzər sahili ərazilərində məişət tullantılarının dənizə atıldığı üzə çıxıb. Belə ki, Xəzər sahili ərazilərində fəaliyyət göstərən iaşə obyektlərində formalaşan bərk məişət tullantılarının müvafiq qaydada idarə olunmamasına görə 8 iş icraçısının hər biri fiziki şəxs qismində inzibati qaydada 500 manat məbləğində cərimə olunub.

Bundan başqa, Nardaran qəsəbəsində 1, Pirşağı qəsəbəsində 2 iş icraçısı da eyni qanun pozuntusuna yol verdiyi üçün 500 manat cərimə ödəməli olacaq.

Elxan SALAHOV
# 547

Oxşar yazılar