Topaz Premyer Liqası: Qızıl medala 3 iddiaçı qaldı – NƏTİCƏLƏR, TURNİR CƏDVƏLİ

Futbol üzrə Topaz Premyer Liqasında XXVIII tura yekun vurulub. Lent.az-ın məlumatına görə, turun mərkəzi qarşılaşmasında “Neftçi” ilə “İnter” üz-üzə gəlib.

Görüş flaqmanın qələbəsi ilə yekunlaşıb. Hər iki qolu Nikolas Kanales vurub. 70-ci dəqiqədən sonra “İnter” azlıqda qalıb. İbrahima Niasse kobud oyuna görə meydandan qovulub. 2:0 hesabı ilə qalib gələn “Neftçi” liderliyini davam etdirib. 1-ci pillədən 7 xal aralı düşən “İnter” isə sona 4 tur qalmış çempionluq şanslarını xeyli çətinləşdirib.

Əvəzində “Qarabağ” eyni hesabla qələbə qazanaraq, qızıl medal ümidlərini saxlayıb. “Qəbələ” ilə səfər matçında Reynaldo Silva 7 dəqiqə ərzində “dubl” edib. “Bakı” isə “Simurq”u 2:1 hesabı ilə yenərək, 4-cü pilləyə yaxınlaşıb. Bu məğlubiyyət Zaqatala komandasının qızıl və gümüş medal şanslarının üstündən tam xətt çəkib.

28 aprel
“Neftçi” (Bakı) - “İnter” (Bakı) - 2:0
Qollar: Nikolas Kanales, 51; 70 – penalti ilə
Qırmızı vərəqə: İbrahima Niasse, 70

AZAL (Bakı) – “Xəzər Lənkəran” - 2:0
Qollar: Viktor İqbekoi, 24. Cavid Tağıyev, 64
Qırmızı vərəqə: Elnur Allahverdiyev, 45 (“Xəzər Lənkəran”)

“Bakı” – “Simurq” (Zaqatala) - 2:1
Qollar: Cavid Hüseynov, 9. Rauf Əliyev, 77 - Martsin Burhardt, 81
İstifadə olunmamış penalti: Stepan Polyak (“Simurq”)

“Qəbələ” – “Qarabağ” (Ağdam) - 0:2
Qollar: Reynaldo Silva, 69; 76

27 aprel

“Kəpəz” (Gəncə) – “Sumqayıt” - 1:0
Qol: Pərvin Paşayev, 70

“Rəvan” (Bakı) – “Turan” (Tovuz) - 1:0
Qol: Ayaz Mehdiyev, 6

	komanda	o	q	h	m	t	x
1	Neftçi	28	18	3	7	55-28	57
2	Qarabağ	28	15	9	4	39-23	54
3	İnter	28	14	8	6	35-20	50
4	Simurq	28	10	10	8	28-25	40
5	Bakı	28	8	14	6	26-21	38
6	Qəbələ	28	9	7	12	30-36	34

7	AZAL	28	12	9	7	45-29	45
8	Rəvan	28	11	4	13	39-41	37
9	Xəzər L	28	8	10	10	37-34	34
10	Sumqayıt	28	7	9	12	25-45	29
11	Turan	28	7	6	15	29-50	27
12	Kəpəz	28	3	4	21	15-55	13