Futbol üzrə İngiltərə Premyer Liqasında XX turun “Arsenal” – “Nyukasl” matçında qapılara 10 qol vurulub. Lent.az-ın məlumatına görə, Londondakı “Emirates” stadionunda baş tutan qarşılaşma meydan sahiblərinin böyük hesablı qələbəsi ilə yekunlaşıb – 7:3.
Görüş 69-cu dəqiqəyədək “vur-vurum” prinsipi ilə davam edib. Həmin dəqiqəyədək “Arsenal”ın hər 3 qoluna “Nyukasl” elə o qədər qolla cavab verməyi bacarıb. Lakin 73-cü dəqiqəqə Teo Uolkottun dəqiq zərbəsindən sonra yerli komanda qarşısıalınmaz olub. Son 5 dəqiqə ərzində daha 3 qol vuran “Arsenal” “Nyukasl”ı darmadağın etməyi bacarıb. Meydan sahiblərinin heyətində 7 qoldan 3-nə Uolkott, 2-ni 74-cü dəqiqədə oyuna daxil olmuş Olivye Jiru imza atıb. Daha 2 topun müəllifi Aleks Çemberlen və Lukas Podolski olub. Qonaqlardan isə Demba Ba “dubl” etməklə yanaşı, Silven Marvo da fərqlənib.
Qalan oyunlara gəldikdə, “Aston Villa” ardıcıl 3-cü matçını da böyük hesablı məğlubiyyətlə başa vurub. Bu dəfə birmingenlilər qapısından 3 cavabsız top buraxıblar.
“Norviç” - “Mançester Siti” matçında 7, “Stok Siti” – “Sautgempton” görüşündə 6 qol vurulub. Ümumiyyətlə, turun arxada qalan 8 oyununun heç biri qolsuz yekunlaşmayıb.
İngiltərə çempionatı, 20-ci tur
“Sanderlend” - “Tottenhem” – 1:2
“Aston Villa” - “Uiqan” – 0:3
“Fulhem” - “Suonsi” – 1:2
“Mançester Yunayted” - “Vest Bromviç” – 2:0
“Norviç” - “Mançester Siti” – 3:4
“Redinq” – “Vest Hem” – 1:0
“Stok Siti” - “Sautgempton” – 3:3
“Arsenal” - “Nyukasl” – 7:3
30 dekabr
“Everton” – “Çelsi”
KPR – “Liverpul”
1. “Mançester Yunayted” – 49 xal
2. “Mançester Siti” – 42
3. “Tottenhem” – 36
4. “Çelsi” – 35 (18 oyuna)
5. “Arsenal” – 33 (19)
6. “Everton” – 33 (19)
7. “Vest Bromviç” – 33
8. “Stok Siti” – 29
9. “Suonsi” – 28
10. “Liverpul” – 25 (19)
11. “Norviç” – 25
12. “Vest Hem” – 23 (19)
13. “Sanderlend” – 22
14. “Fulhem” – 21
15. “Nyukasl” – 20
16. “Uiqan” – 18
17. “Aston Villa” – 18
18. “Sautgempton” – 17 (19)
19. “Redinq” – 13
20. KPR – 10 (19)
Bombardir: Robin van Persi (“Mançester Yunayted”) – 14 qol.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
