Tanınmış ispan iqtisadçısı Hektor Moedano bildirib ki, “Santyaqo Bernabeu” stadionunun yenidən qurulması planlaşdırılandan müqayisə olunmayacaq dərəcədə baha başa gəlib.
Lent.az xarici KİV-ə istinadla məlumat verir ki, hələ 2017-ci ildə “Real” stadionunu təmir etməyi planlaşdırdığını açıqlasa da, bu planların həyata keçməsi bir neçə il çəkib.
“Real”ın stadionu 4 ay əvvəl açılmalı idi, lakin son tarix dəyişdirilib və rəsmi açılış gələn yaya planlaşdırılır. Bu müddət ərzində “Real” “Santyaqo Bernabeu”da oynayıb, lakin stadionun çox hissəsi bağlıdır və rəsmi açılışa qədər belə qalacaq.
Ancaq təkcə açılış tarixləri deyil, həm də maliyyə çərçivəsi dəyişib. İspaniyalı iqtisadçı Hektor Moedano “Santyaqo Bernabeu”nun yenidən qurulmasının nə qədər başa gəldiyini açıqlayıb.
Planlaşdırılan bir milyard avro dəyərinin əvəzinə, yenidən qurulması inanılmaz 1,8 milyard avroya başa gələcək və bu, onu dünyanın ən bahalı stadionuna çevirəcək.
Nəticədə, “Real” 2019-cu ildə illik 25,5 milyon funt-sterlinq ödəmə planı ilə 575 milyon avro kredit imzalayıb.
Yeni “Santyaqo Bernabeu” 85 000 tamaşaçı tutumuna malik olacaq və bu stadionu dünyanın 10-cu ən böyük stadionu edəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
