“Bavariya”nın idman direktoru Maks Eberl klubun yarımmüdafiəçisi Camal Musialanı satmayacağını bildirib.
Lent.az xarici mediaya istinadla xəbər verir ki, idman direktoru fikirlərini belə izah edib:
“Camal Musiala satılmır. Onun gələcəkdə “Bavariya”nın siması olacağını gözləyirik. Camal öz oyunu ilə böyük sevinc gətirir. Məqsədimiz onu “Bavariya”nın yeni siması etməkdir”.
Musiala “Çelsi”nin yetirməsidir. Yarımmüdafiəçi 2019-cu ildən “Bavariya”da çıxış edir. Bu mövsüm almaniyalı bütün turnirlərdə 32 oyun keçirib, 9 qol vurub və 4 məhsuldar ötürmə edib. Futbolçunun Münhen klubu ilə müqaviləsi 2026-cı ilin iyun ayının sonuna qədər qüvvədədir. Transfermarkt internet portalına görə futbolçunun təxmini dəyəri 110 milyon avrodur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
