Yeni lider
14 sentyabr 2010 12:27 (UTC +04:00)

Yeni lider

Lent.az-ın WTA-nın rəsmi saytına istinadən verdiyi məlumata görə, danimarkalı Karolin Voznyatski siyahıda birinci pilləni ələ keçirib.

20 yaşlı tennisçi yenicə başa çatan “US-Open” turnirində yarımfinaladək irəliləməyi bacarıb. Onun liderliyə yüksəlməsinə ABŞ təmsilçisi Serena Uilyamsın zədə üzündən həmin turnirə qatıla bilməməsi də təsir göstərib. Yeni reytinqə əsasən, 5615 xala malik Voznyatskini 5355 xalla məhz Serena Uilyams izləyir.

“US-Open”in qalibi Kim Kleysters (Belçika) isə 5295 xalla 3-cüdür. Yarışın finalçısı Vera Zvonaryova (Rusiya) 5175 xalla 4-cü pilləyə qalxıb. Vinus Uilyams (ABŞ) 4985 xalla 5-ci, Jüstin Enen (Belçika) 3415 xalla 9-cu, Mariya Şarapova (Rusiya) isə 2510 xalla 17-cidir.
# 457

Oxşar yazılar