“İki cəbhədə mübarizə aparmaq çətindir”
Lent.az-ın məlumatına görə, Hacıyev bu barədə çempionatın VIII turunda “Turan” üzərində 2:1 hesablı qələbə ilə nəticələnən oyundan sonra açıqlama verib.
O bildirib ki, futbolçularda Avropa Liqasında “İnter”lə matçdan sonra bir qədər yorğunluq qalıb. Lakin təcrübəli mütəxəssis komandasının oyunundan razılıq ifadə edib: “Bütövlükdə pis oynamadıq. Futbolçularda Avropa Liqasında “İnter”lə oyundan sonra bir qədər yorğunluq var idi. İki cəbhədə mübarizə aparmaq çətindir. Amma meydanda yalnız bir komanda var idi – “Neftçi”. “Turan”ın son oyunlardakı nəticələri bizi diqqətli olmağa məcbur edirdi. Onlar bu görüşdə də döyüşdülər. Lakin biz istədiyimizi ala bildik”.
“Turan”ın baş məşqçisi Əsgər Abdullayev isə buraxdıqları səhvlərdən “Neftçi”nin layiqincə yararlandığını söyləyib: “Uşaqlar mənim istədiyim kimi oynaya bilmədilər. “Neftçi” kimi komanda ilə oyunda bu qədər qol vəziyyəti yaradıb, onlardan yararlana bilmədik. Söz tapa bilmirəm. Böyük klublar az səhv buraxırlar. Eyni zamanda rəqibin buraxdığı səhvləri də bağışlamırlar. Biz də bu gün səhv etdik və “Neftçi” onları bağışlamadı”.
Qeyd edək ki, “Neftçi”nin 1:3 hesabı ilə uduzduğu İtaliya “İnter”i ilə matçdan öncə Bakının eyniadlı komandasına qarşı görüşü təxirə salınıb. Əvəzində flaqmanın Avropa Liqasındakı rəqibi bu oyundan öncə İtaliya A seriyasında “Fiorentina”nı 2:1, ötən həftəsonu isə “Milan”ı 1:0 hesabı ilə məğlub edib. “Turan”la görüşdə “Neftçi”nin qollarını 11-ci dəqiqədə penaltidən Rəşad Sadiqov, 37-ci dəqiqədə Erik Ramos vurub. Qonaqlar 90+2-ci dəqiqədə Qogi Pipiyanın dəqiq zərbəsi ilə təsəlli qoluna imza atıblar. Bu qələbədən sonra flaqman xallarını 9-a çatdırıb və 6-cı pilləyə yüksəlib. Üstəlik, “ağ-qaralar”ın ehtiyatda 3 oyunu var.
O bildirib ki, futbolçularda Avropa Liqasında “İnter”lə matçdan sonra bir qədər yorğunluq qalıb. Lakin təcrübəli mütəxəssis komandasının oyunundan razılıq ifadə edib: “Bütövlükdə pis oynamadıq. Futbolçularda Avropa Liqasında “İnter”lə oyundan sonra bir qədər yorğunluq var idi. İki cəbhədə mübarizə aparmaq çətindir. Amma meydanda yalnız bir komanda var idi – “Neftçi”. “Turan”ın son oyunlardakı nəticələri bizi diqqətli olmağa məcbur edirdi. Onlar bu görüşdə də döyüşdülər. Lakin biz istədiyimizi ala bildik”.
“Turan”ın baş məşqçisi Əsgər Abdullayev isə buraxdıqları səhvlərdən “Neftçi”nin layiqincə yararlandığını söyləyib: “Uşaqlar mənim istədiyim kimi oynaya bilmədilər. “Neftçi” kimi komanda ilə oyunda bu qədər qol vəziyyəti yaradıb, onlardan yararlana bilmədik. Söz tapa bilmirəm. Böyük klublar az səhv buraxırlar. Eyni zamanda rəqibin buraxdığı səhvləri də bağışlamırlar. Biz də bu gün səhv etdik və “Neftçi” onları bağışlamadı”.
Qeyd edək ki, “Neftçi”nin 1:3 hesabı ilə uduzduğu İtaliya “İnter”i ilə matçdan öncə Bakının eyniadlı komandasına qarşı görüşü təxirə salınıb. Əvəzində flaqmanın Avropa Liqasındakı rəqibi bu oyundan öncə İtaliya A seriyasında “Fiorentina”nı 2:1, ötən həftəsonu isə “Milan”ı 1:0 hesabı ilə məğlub edib. “Turan”la görüşdə “Neftçi”nin qollarını 11-ci dəqiqədə penaltidən Rəşad Sadiqov, 37-ci dəqiqədə Erik Ramos vurub. Qonaqlar 90+2-ci dəqiqədə Qogi Pipiyanın dəqiq zərbəsi ilə təsəlli qoluna imza atıblar. Bu qələbədən sonra flaqman xallarını 9-a çatdırıb və 6-cı pilləyə yüksəlib. Üstəlik, “ağ-qaralar”ın ehtiyatda 3 oyunu var.
929