Türkiyədə sahibsiz itlər daha bir uşağı parçalayıb.
Lent.az yerli mediaya istinadla bildirir ki, hadisə Ərzurum şəhərinin Narman qəsəbəsində baş verib. Mağazaya çörək almağa gedən 10 yaşlı Murat Tutara küçədə itlər hücum ediblər. Uşaq başından, boğazından və bədəninin müxtəlif yerlərindən xəsarət alıb.
Azyaşlı ağır vəziyyətdə xəstəxanaya yerləşdirilib.
Qeyd edək ki, ötən həftə də Konyada küçə itləri 2 yaşlı qızı parçalayıb öldürüblər.