Azərbaycanda vəzifəli şəxs özünü qəbiristanlıqda asdı -YENİLƏNİB

Lerikdə vəzifəli şəxsin ölümü ilə bağlı bəzi təfərrüatlar məlum olub.

Lent.az-ın verdiyi məlumata görə 30 yaşlı Şəfiq Əliyev günorta 13 radələrində işdə, ona verilən tapşırığı yerinə yetirmək üçün əraziyə çıxdığını bildirib.

Bundan sonra onun telefonuna zəng çatmayıb. Axşam saat 19 radələrində, yaxınlarının axtardığı icra nümayəndəsinin avtomobili Boykənd kənd qəbirstanlığının qapısında aşkarlanıb.

Ş.Əliyevin axtarışında olan yaxınları, qəbirstanlığı axtarmağa başlayıblar. Axtarışlar nəticəsində onun meyiti qəbirstanlığın içində ağacdan asılı vəziyyətdə tapılıb.

***

21:43

Lerikdə 30 yaşlı kişinin meyiti tapılıb.

Lent.az-ın verdiyi xəbərə görə, Lerik rayon İcra Hakimiyyəti başçısının Kiravud kənd ərazisi üzrə icra nümayəndəsi Şəfiq Şaiq oğlu Əliyevin meyiti tapılıb. Onun intihar etdiyi deyilir.

Lerik Rayon İcra Hakimiyyətindən də hadisəni təsdiqləyiblər. Ş.Əliyevin işində nümunəvi, verilən tapşırıqları vaxtında yerinə yetirən, gözəl xasiyyətli biri olduğu bildirilir.

Onun hansı səbəbdən bu addımı atması isə məlum deyil.

Faktla bağlı rayon prokurorluğunda araşdırma aparılır.