Hacıqabulda dəhşətli partlayış: sərnişin avtobusu və minik avtomobilləri yanır

Bu gün saat 15 radələrində Hacıqabul rayonu ərazisində, Bakı-Qazax yolunun, Padarçöl kəndi ərazisindən keçən hissəsində yerləşən “Azpetrol” yanacaqdoldurma məntəqəsində güclü partlayış baş verib. Məlumatı Lent.az-ın hadisə yerində olan əməkdaşı verib.

Hacıqabul rayon Polis Şöbəsindən Lent.az-a bildirilib ki, yanacaqdaşıyan maşından məntəqənin bazasına benzin vurularkən qəfil yanğın başlayıb və partlayış olub. Nəticədə yanacaq daşıyan maşın ikiyə bölünüb. Həmin vaxt məntəqədə yanacaq götürən bir neçə minik avtomobili, həmçinin içi sərnişinlə dolu avtobus alışıb. İlkin məlumata görə, 30 nəfərə yaxın yaralı var. Ölənlərin olduğu da istisna edilmir.

Yoldan keçən maşınlar dayanaraq yaralılara kömək etməyə çalışırlar. Əraziyə çoxsaylı təcili yardım və yanğınsöndürmə maşınları göndərilib.

Hadisənin təfsilatlarını Lent.az-da izləyin...

Nizam RZA