Bakıda sement oğrusu saxlanılıb

Bakının Sabunçu rayonunda oğurluqda təqsirləndirilən şəxs yaxalanıb.

Sabunçu Rayon Polis İdarəsindən Lent.az-a verilən məlumata görə, saxlanılan Mingəçevir sakini, 1976-cı il təvəllüdlü Abdulla Əhməd oğlu Abdullayevdir. O, Nardaran qəsəbəsindəki sakinlərdən birinin həyətindən 40 kisə sement oğurlamaqda təqsirləndirilir.

İdarədən onun 2003-cü ildə oğurluq etdiyinə görə, 3 il müddətinə azadlıqdan məhrum edildiyini deyiblər.

Faktla bağlı cinayət işi başlanılıb, araşdırma aparılır.

Şəhriyar Əlizadə