Şirvan bögləsində ardıcıl 3 zəlzələ

Oktyabrın 7-də saat 16:42:50-də Azərbaycanın İsmayıllı şəhərindən 17 km cənubi-şərqdə zəlzələ qeydə alınıb. Lent.az-ın Respublika Seysmoloji Xidmət Mərkəzinə istinadən məlumatına görə, zəlzələnin maqnitudasi episentrdə 5,3 bal olub. Şamaxı, Pirqulu, İsmayıllı və Ağsuda 5.0 bal; Respublikanın əksər rayonlarında ( Bakı, Sumaqayıt, Xırdalan və s.) 4.0-2.0 bal gücündə hiss olunub. İnsan təlafatı yoxdur.

Saat 17:42:28-də İsmayıllı şəhərindən 17 km cənubi-şərqdə 3,4 bal, saat 17:49:35-də isə İsmayıllı şəhərindən 20 km cənubi-şərqdə 3,2 bal gücündə təkrar yeraltı təkanlar qeydə alınıb. Zəlzələ hiss olunmayıb.

Lent.az-ın məlumatına görə, zəlzələ nəticəsində Kürdəmir və Ağsu rayonlarında bəzi kohnə tikililərdə çatlar qeydə alınıb. Sakinlərin bildirdiyinə görə, yeraltı təkanların baş verdiyi vaxt gurultu səsi eşidilib.