Zəncirvari qəza: 4 maşın toqquşdu, 1 ölü-FOTO

Bakı-Qazax yolunun Hacıqabul rayonunun Qızılburun kəndi ərazisindən keçən hissəsində ağır yol qəzası baş verib.

APA-nın xəbərinə görə, “Prado” markalı 90 BC 440 dövlət nömrə nişanlı avtomabil yüksək sürətlə hərəkətdə olarkən yoldan çıxıb və Bakı sakini, 1981-ci il təvəllüdlü İsgəndərov Faiq Mirzəli oğlunun yolun kənarında dayanmış “Hyundai Sonata” markalı
10 PX 412 dövlət nömrə nişanlı maşınını vurub. Bu zaman “Hyundai Sonata” markalı avtomabil də qarşısında dayanan “Mercedes” markalı, 90 GM 848 dövlət nömrə nişanlı yük maşınına çırpılıb.

“Prado” markalı avtomobil isə hadisə yerində olan DYP xidmətinin avtomobilinə çırpılıb.

Baş verən qəzada “Prado”da olan sərnişin, Yevlax rayon sakini, 1977-ci il təvəllüdlü Nəcəfov Fikrət Nizaməddin oğlu ciddi xəsarətlər alıb. Yaralı Şirvan şəhər mərkəzi xəstəxanasına çatdırılsa da, onun həyatını xilas etmək mümkün olmayıb.

Faktla bağlı cinayət işi açılıb, araşdırma aparılır.