Bakıda dəmir yolu xətti ətrafında baş verən yanğın söndürüldü - YENİLƏNİB

Bu gün saat 16 radələrində paytaxtın Babək prospekti ilə paralel keçən dəmir yol xəttinin üzərində yanğın baş verib. Lent.az-ın hadisə yerində olan müxbirinin verdiyi məlumata görə, yanğın dəmir yolunun üstündən keçən yüksək gərginlikli elektrik naqilində baş vermiş qısa qapanma nəticəsində olub. Naqildən dəmir yol xəttində düşən qığılcımlar xətt boyunca otluq sahəni və şam ağaclarını alovlandırıb. Nəticədə təxminən 200 kv.m ərazidə yanğın baş verib.

Hadisə yerinə gələn 3 yanğınsöndürmə maşın vasitəsi ilə yanğın söndürülüb.

Qeyd edək ki, hadisə ilə bağlı dəmiryolu xəttində qatarların hərəkəti müvəqqəti dayandırılıb.

***

Bakıda dəmir yolu xətti ətrafında yanığın başlayıb

Bu gün saat 16:00 radələrində Bakı şəhərində Babək prospekti yaxınlığında dəmir yolu xəttinin ətrafında yanğın başlayıb.

Lent.az-ın verdiyi məlumata görə, dəmir yolu xəttinin naqillərində baş vermiş qısaqapanma nəticəsində ətrafdakı şam ağacları və quru otluq ərazi alışıb.

Yanğın 200 kv.m ərazini əhatə edir. Hadisənin miqyası böyük olmasa da, dəmir yolu xəttinin üzərində baş verməsi səbəbindən hadisə yerinə 3 yanğınsöndürmə maşını cəlb olunub.

Yanğınsöndürənlər alovun qarşısını almağa çalışırlar.

Anar Məcidzadə