Kiyevdə teleqüllənin bombalanması zamanı azı 5 nəfər həlak olub, daha 5 nəfər yaraanıb.
Lent.az-ın CNN-ə istinadən xəbərinə görə bu barədə Ukrayna Daxili İşlər Nazirliyi (DİN) məlumat yayıb.
“Kiyevin Şevçenkivski rayonunda saat 18:00 radələrində televiziya qülləsinin atəşə tutulması nəticəsində 5 nəfər ölüb, daha 5 nəfər yaralanıb. İş davam etdirilir”, - deyə Ukrayna DİN-in məlumatında qeyd olunub.
Nazirliyin paylaşdığı videoda teleqüllənin yaxınlığındakı parkinq ərazisindəki meyitlər və yanğının davam etməsi əks olunub.
***
19.36
Rus hərbçiləri Kiyevin "Doroqojiçi" metro stansiyası yaxınlığında yerləşən teleqülləni vurublar.
Lent.az Ukrayna KİV-ə istinadən xəbər verir ki, mərmi yayımın idarəetmə otağına düşüb.
Ölən və ya yaralananlar barədə hələlik məlumat yoxdur.
Televiziya yayımında müvəqqəti problemlər yaranıb, lakin tezliklə ehtiyat yayımın işə salacağı bildirilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
