ABŞ-da bir qadın satıcının səhvi sayəsində 2 milyon dollar qazanıb.
Lent.az xarici mediaya istinadla xəbər verir ki, Virciniya sakini Kelli Lindsey satıcının səhvi sayəsində 2 milyon dollarlıq lotereya uduşu qazanıb.
Qadına kassada istədiyi bilet əvəzinə ayrısı təklif olunub. Onun istədiyi bilet isə səhvən başqa müştəriyə satılıb. Bu da onu narazı salıb. Ancaq qoruyucu təbəqəni siləndə və baş mükafatı qazandığını biləndə onun əsəbi tez bir zamanda sevincə çevrilib.
Uduşlarını illik ödəniş kimi almaq əvəzinə, Lindsey birdəfəlik pul götürməyi seçib. Vergilərdən sonra o, 1,25 milyon dollar alacaq.
Kelli uduşları həyatını yaxşılaşdırmaq və ömürlük arzularını gerçəkləşdirmək üçün istifadə etməyi planlaşdırdığını söyləyib. Bundan əlavə, pulun bir hissəsini bank hesabına köçürəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
