Kral ailəsinin  ən sevilən   üzvü odur
13 aprel 2024 17:35 (UTC +04:00)

Kral ailəsinin ən sevilən üzvü odur

Keyt Middleton 22 mart 2024-cü ildə xərçənglə mübarizə apardığını elan etdikdən sonra xalq arasında sevilən ən məşhur kral ailəsi üzvünə çevrilib. 

Lent.az-ın xarici mediaya istinadən xəbərinə görə, Uels şahzadəsi xərçəng xəstəliyinə tutulduğunu elan etdikdən sonra britaniyalıların 76 faizi Keyt Middleton haqqında müsbət fikirdə olduqlarını bildiriblər.

Onun əri Şahzadə Uilyam bu siyahıda ikinci yerdə (73%), mərhum Kraliça II Yelizavetanın yeganə qızı şahzadə Anna üçüncü yerdədir (71%).

Xərçənglə mübarizə aparan İngiltərə kralı III Çarlz isə 63 faizlə dördüncü yerdə qərarlaşıb. Sonrakı yerləri Şahzadə Edvard (54%) və Kraliça Kamilla (50%) tutur.

Bu arada, Şahzadə Harri və həyat yoldaşı Meqan qeyri-populyar olaraq qalırlar: yalnız 31% birinciyə, 26% isə sonuncuya müsbət baxır.

# 2283
avatar

İlhamə HƏKİMOĞLU

Oxşar yazılar