İstanbulda İŞİD terror təşkilatına dəstək verdiyi müəyyən edilən 46 şübhəli saxlanılıb.
Lent.az xəbər verir ki, İstanbul Respublika Baş Prokurorluğu tərəfindən aparılan istintaq nəticəsində İŞİD daxilində fəaliyyət göstərdiyi müəyyən edilən 52 nəfər aşkarlanıb. Şübhəlilərin qanunsuz söhbətlər və dini fəaliyyətlər vasitəsilə təşkilata yeni üzvlər cəlb etməyə çalışdıqları, eləcə də fitrə, zəkat adı altında toplanan pulların təşkilat tərəfdarları üçün istifadə etdikləri müəyyən olunub.
Bununla bağlı İstanbulun doqquz rayonu və Diyarbakır vilayətində keçirilən əməliyyat nəticəsində şübhəlilərdən 46-sı saxlanılıb. Onlardan 40-ı həbs tələbi ilə məhkəməyə göndərilib.
Əməliyyat zamanı şübhəlilərə məxsus silah-sursat və terror təşkilatına aid çox sayda sənəd ələ keçirilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
