“Gəlin, milçəkdən fil düzəltməyək” – Meymunçiçəyi ADİ HAL hesab edildi

Mayın 7-dən bugünədək dünyanın 19 ölkəsində 131 insanda meymunçiçəyi aşkarlanıb, həmçinin, 106 şübhəli infeksiya daşıyıcısı təsdiqlənib.

Lent.az xəbər verir ki, bu barədə Ümumdünya Səhiyyə Təşkilatının (ÜST) məlumatında bildirilib.

ÜST-ün Yüksək Narahatedici İnfeksiyalara Qlobal Hazırlıq üzrə direktoru Silvi Briand Cenevrədə keçirilən Ümumdünya Səhiyyə Assambleyasında çıxışında meymunçiçəyi xəstəliyinə nəzarəti gücləndirməyə çağırış edib:

“Bu halların "aysberqin ucu" olub-olmaması, yoxsa ötürülmə zirvəsinin artıq keçib-keçməməsi hələ də bəlli deyil. Virusun mutasiyaya uğraması ehtimalı azdır, lakin onun ötürülməsi insan davranışındakı dəyişikliklə bağlı ola bilər, xüsusən də dünyada insanlar adi sosiallaşma yoluna qayıtdıqdan sonra COVID-19-la bağlı məhdudiyyətlərin aradan qaldırılması fonunda”.

Briand aşkar edilən yoluxma hallarının "normal olmadığını" söyləsə də, əlavə edib ki, meymunçiçəyi üçün peyvəndlər və müalicəsi var:

“Müvafiq qorunma tədbirlərinə riayət edək. Gəlin, milçəkdən fil düzəltməyək”.