Pakistan ordusu quru əməliyyatlarına başladı

Həftələrlə davam edəcək döyüşdə məqsəd Cənubi Vəziristan bölgəsindəki “Taliban” düşərgələrini məhv etməkdir

Pakistan ordusu “Taliban” qüvvələrinə qarşı uzun müddətdir ki, planlaşdırdığı quru əməliyyatlarına bu gün səhər saatlarında start verib.

Lent.az-ın Türkiyə mətbuatına istinadən verdiyi məlumata görə, Pakistan ordusunun 30 min hərbçisi Cənubi Vəziristan bölgəsinə, Əfqanıstanla sərhəd məntəqələrinə doğru irəliləyir.

Əməliyyata hərbi hava qüvvələri dəstək verir. Əsas məqsəd Əfqanıstanla sərhəddəki “Taliban” düşərgələrini məhv etməkdir. Bu düşərgələrdə 10 minə qədər silahlının olduğu təxmin edilir.

Cənubi Vəziristandakı dağlıq bölgələrdə döyüşlərin həftələrlə davam edəcəyi gözlənilir.