Türkiyədə 4,9 bal gücündə zəlzələ oldu

Bu səhər Türkiyədə zəlzələ olub. Lent.az-ın Türkiyənin NTV telekanalına istinadən verdiyi məlumata görə, saat 7:21 radələrində İzmirin Selcuk rayonunda 4,9 bal gücündə zəlzələ qeydə alınıb.

Dağıntı və tələfat barədə hələ məlumat daxil olmayıb.

Qeyd edək ki, iki gün əvvəl Türkiyənin bu bölgəsində ardıcıl olaraq 20 dəfə zəif gücə malik zəlzələ baş verib.