İrana hücum neçəyə başa gələr?

ABŞ-ın İrana hərbi əməliyyatlara başlayacağı ehtimalına dair xəbərlər informasiya vasitələrində davamlı olaraq, yayılır.

Ancaq bu əməliyyatların maliyyə tərəfi də diqqətdən qaçmır.

Lent.az-ın xarici informasiya vasitələrinə istinadən məlumatına görə, ABŞ-ın
ehtimal olunan İrana hərbi hücumu dünya iqtisadiyyatına 1,7 trilyon dollara başa gələr.

Bu, Amerika Alimlər Federasiyası(The Federation of American Scientists)
tərəfindən hazırlanan hesabatında vurğulanıb.

Məlumata əsasən, alimlər hesab edib ki, ABŞ-ın İranı atəşə tutması üçün 1,2 trilyon dollar, nüvə obyektlərini məhv etməsi üçün isə 700 milyard dollar maliyyə vəsaitinə ehtiyac olacaq.

Hesabat müəlliflərinin qənaətincə, Tehran hakimiyyətinə qarşı iqtisadi sanksiyalar davam etdirilərsə, o halda dünya iqtisadiyyatı da ziyan görə bilər. Alimlərin nəzərincə, İranın nüvə probleminin həlli ilə bağlı ən ucuz yol məsələnin danışıqlar yolu ilə həllidir.