Londonda Suriya müxalifəti ilə görüş keçirilib

Suriya müxalifətinin iştirakı ilə Londonda keçirilən beynəlxalq toplantıda Milli Şuraya ilk növbədə humanitar yardım ediləcəyi barədə razılıq əldə edilib.

Lent.az-ın «RİA-Novosti»-yə istinadən məlumatına görə, iki mərhələli bu tədbirini birincisi Qətərin paytaxtı Dohada müxalifət birliyinin yaranması nəticələnib.

Müxalifət birliyi Britaniyanın xarici işlər naziri Uilyam Heyqlə görüşüb, sonradan onlara beynəlxalq tədbirin başqa iştirakçıları da qoşulub.

İkinci mərhələdə beynəlxalq ictimaiyyət koalisiyaya yardımı artırmalı, birlik isə BMT ilə əlaqələri gücləndirmək mexanizmini yaratmalıdır.

Donor-dövlətlər əhaliyə yardım etmək üçün Milli Şuranı dəstəkləyəcək. Bundan başqa tərəflər insan haqlarının qorunması və hüquq müdafiəçiləri qurumlarını dəstəkləyəcəkləri sahəsində də anlaşıblar.

Koalisiya qarşısında təşkilatlanmanı başa çatdırmaq, mənzil –qərargah və əldə edilən razılaşmaların gerçəkləşdirilməsi üçün mexanizm yaratmaq vəzifəsi qarşılarına qoyulub.